Elon Musk sfidon në dyluftim presidentin rus Putin

Themeluesi i SpaceX, Elon Musk ka sfiduar presidentin rus Putin Vladimir Putin në një dyluftim, transmeton Anadolu Agency (AA).

“Unë e sfidoj Vladimir Putinin për një dyluftim”, shkroi Musk në Twitter. "Basti është Ukraina", vazhdoi ai duke shkruar emrin e vendit në gjuhën e tij.

Ai postimin në Twitter e vazhdoi në rusisht, duke thënë: "A jeni dakord me këtë dyluftim?" duke përmendur llogarinë zyrtare angleze të Kremlinit.

Musk aktivizoi pajisjet e internetit hapësinore Starlink në Ukrainë në fund të shkurtit. Ai ka shfaqur shumë herë mbështetjen e tij për Ukrainën në llogarinë e tij në rrjetet sociale.

Sipas OKB-së, që kur Rusia nisi luftën e saj kundër Ukrainës, më shumë se 2.69 milionë njerëz kanë ikur në vende të tjera.

Të paktën 596 civilë janë vrarë dhe 1.067 janë plagosur në Ukrainë.

Derisa BE-ja, SHBA-ja dhe shumë vende të tjera kanë vendosur sanksione ndaj Moskës, shumë kompani dhe marka globale gjithashtu kanë pezulluar punën në Rusi.