BUDAPEST (AA) - Presidenti i Turqisë, Recep Tayyip Erdoğan përuroi tyrben e restauruar të Gül Baba-s në kryeqytetin hungarez Budapest, raporton Anadolu Agency (AA).
Duke theksuar rëndësinë e tyrbes historike, Erdoğan tha se vizita e tij nuk ishte e rëndësishme vetëm përsa i përket marrëdhënieve midis dy vendeve, por edhe për të shfaqur miqësinë e rrënjosur turko-hungareze me inaugurimin e varrit simbolik.
Erdoğan deklaroi se varri u kujton vizitorëve të saj "respektin e ndërsjellë, mirëkuptimin dhe miqësinë midis kulturave të ndryshme".
"Shpresojmë që tyrbeja e Gül Baba-s me trashëgiminë e saj shpirtërore do të vazhdojë të jetë shenja e miqësisë për të dy vendet gjatë shekujve të ardhshëm", tha ai.
Presidenti turk rikujtoi se tyrbeja e Gül Baba-s është vetëm një nga shumë shembujt e trashëgimisë së përbashkët historike dhe kulturore në Hungari që përfaqëson miqësinë, solidaritetin dhe historinë e përbashkët të të dy vendeve.
Kryeministri hungarez Viktor Orban, nga ana e tij, falënderoi presidentin Erdoğan për interesimin e tij në restaurimin e varrit dhe tha se Turqia dhe Hungaria bashkarisht e restauruan atë.
Tyrbeja e epokës osmane u ndërtua midis viteve 1543 dhe 1548 në Budapest.
Gül Baba ishte një poet dervish bektashi osman dhe shoqërues i Sulltan Sulejmanit të Madhërishëm.
Varri u restaurua nga një partneritet turko-hungarez pasi në vitin 2014 u nënshkrua një protokoll.
