Erdoğan: Türkiye do të vazhdojë të mbështesë procesin e dialogut në Venezuelë
"Türkiye do të vazhdojë të mbështesë procesin e dialogut në Venezuelë, duke përcjellë dëshirën e tij për paqe, prosperitet dhe mirëqenie për popullin venezuelian”, tha Erdoğan
![Erdoğan: Türkiye do të vazhdojë të mbështesë procesin e dialogut në Venezuelë](https://cdnuploads.aa.com.tr/uploads/Contents/2024/08/07/thumbs_b_c_6cca1106e302406149629223ef315f11.jpg?v=210017)
Ankara
Presidenti turk, Recep Tayyip Erdoğan, në një bisedë telefonike me homologun e tij venezuelas, Nicolas Maduro, ka theksuar se Ankaraja do të vazhdojë të mbështesë procesin e dialogut në Venezuelë, transmeton Anadolu.
Siç njofton Drejtoria Turke e Komunikimeve, presidenti Erdoğan në bisedën telefonike me presidentin Maduro uroi që zgjedhjet “të çojnë në rezultate të favorshme për Venezuelën”.
“Türkiye do të vazhdojë të mbështesë procesin e dialogut në Venezuelë, duke përcjellë dëshirën e tij për paqe, prosperitet dhe mirëqenie për popullin venezuelian”, tha Erdoğan.
Dy presidentët diskutuan gjithashtu lidhjet dypalëshe midis dy vendeve, si dhe çështjet rajonale dhe globale.
Erdoğan vlerësoi Maduro-n për “mbështetjen e Venezuelës për Palestinën në kundërshtim me shtypjen izraelite.
Sipas Këshillit Kombëtar Zgjedhor të Venezuelës, Maduro, i cili drejton vendin që nga viti 2013, siguroi 51 për qind të votave kundrejt 44 për qind nga kandidati i koalicionit opozitar Edmundo Gonzalez Urrutia. Megjithatë, rezultatet janë kundërshtuar nga opozita.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.