Varri i Papa Françeskut, i cili ndërroi jetë në moshën 88-vjeçare më 21 prill, po përballet me një fluks vizitorësh, raporton Anadolu.

Më 26 prill në sheshin e Shën Pjetrit në Vatikan u mbajt ceremonia mortore për Papa Françeskun, liderin shpirtëror të krishterëve katolikë.

Pas ceremonisë, në përputhje me dëshirën që ka deklaruar në testamentin e tij, ai u varros në Bazilikën e Santa Maria Maggiore në Romë, të cilën e vizitonte shpesh.

Varri i Papa Françeskut po përballet me një fluks vizitorësh.

Papa Françesku lindi në Buenos Aires të Argjentinës më 17 dhjetor 1936 nga prindër emigrantë italianë. Ai studioi në Argjentinë dhe më vonë në Gjermani përpara se të shugurohej si prift jezuit në vitin 1969.

Pas më shumë se një dekade në papatin e tij, ai mbeti një figurë admirimi dhe polemikash.

Ai kërkoi të reformonte burokracinë e Vatikanit, të luftonte korrupsionin dhe të adresonte disa nga sfidat më urgjente të kishës.

Papa u shtrua në një spital në Romë në shkurt me bronkit, i cili u zhvillua në pneumoni të dyfishtë. Ai u lirua pas 38 ditësh për të vazhduar shërimin në rezidencën e tij në Vatikan.