Forcat izraelite plagosin 2 palestinezë në Gaza

GAZA (AA) - Dy palestinezë u plagosën nga sulmet me armë të ushtrisë izraelite pranë qytetit Beit Lahia në Rripin e Gazës, transmeton Anadolu Agency (AA).

Dy palestinezët u qëlluan teksa u përpoqën të organizonin një "protestë detare" kundër bllokadës së vazhdueshme të Izraelit në Gaza, tha Ministria e Shëndetësisë e Gazës në një deklaratë.

Që nga marsi i këtij viti, mbi 210 palestinezë kanë rënë dëshmorë nga hapja zjarr e ushtarëve izraelitë dhe mijëra të të tjerë janë plagosur gjatë protestave në Rripin e Gazës.

Protestuesit kërkojnë "të drejtën e kthimit" në shtëpitë e tyre në Palestinën historike, nga e cila u dëbuan në vitin 1948 për t'i hapur rrugën shtetit të ri izraelit.

Ata gjithashtu kërkojnë fundin e bllokadës 12-vjeçare të Izraelit në rajon, e cila ka shkatërruar ekonominë e Gazës dhe ka privuar rreth dy milionë banorët e saj nga shumë mallra elementarë.