Forcat turke neutralizojnë 7 terroristë të PKK-së në Irak

ANKARA (AA) – Të paktën 7 terroristë të PKK-së u neutralizuan në një operacion të kryer nga Forcat e Armatosura Turke në pjesën veriore të Irakut, transmeton Anadolu Agency (AA).

Ministria e Mbrojtjes së Turqisë njoftoi se forcat ajrore turke kanë kryer sulme të ashpra ajrore mbi strehimoret e organizatës terroriste PKK në malet veriore të Irakut, Gara dhe Hakurk.

Deklarata thekson se të paktën 7 terroristë që po përgatisnin një sulm terrorist mbi bazat e ushtrisë turke u neutralizuan në sulme.

Gjatë sulmit, u shkatërruan disa strehimore të sapozbuluara dhe të fshehta të organizatës terroriste të PKK-së.

Po ashtu edhe ditën e djeshme, forcat turke kryen sulme të ngjashme në të njëjtin lokalitet në të cilin u neutralizuan 10 terroristë.

PKK është organizatë separatiste në listën e grupeve terroriste në Turqi, Bashkimin Evropian dhe Shtetet e Bashkuara të Amerikës (SHBA). Gjatë fushatës së saj terroriste tre-dekadashe kundër Turqisë, terroristët e PKK-së vranë të paktën 40.000 njerëz.

Malet Kandil, Gara, Metina, Avasin-Basyan, Hakurk dhe Zap që shtrihen në veri të Irakut përgjatë kufirit Irak-Turqi dhe njihen ndryshe si djepi i lëvizjes terroriste të PKK-së.