Fronti Nacional-çlirimtar i Algjerisë kryeson në zgjedhjet parlamentare

Fronti Nacional-çlirimtar i Algjerisë po kryeson në zgjedhjet parlamentare të 12 qershorit, me 105 nga gjithsej 407 vende, transmeton Anadolu Agency (AA).

Në një konferencë për media, kreu i organit zgjedhor të vendit, Mohamed Sharafi, tha se partia më e madhe islamike e vendit, Lëvizja e Shoqërisë për Paqen, ka siguruar 64 vende, duke shtuar se kandidatët e pavarur arritën të sigurojnë 78 vende.

Rreth 30 për qind e votuesve dolën në zgjedhjet e para parlamentare pas rrëzimit të ish-presidentit Abdelaziz Bouteflika në muajin prill të vitit 2019.

Në vitin 2017, pjesëmarrja në zgjedhjet parlamentare ishte 37,09 për qind, ndërsa në vitin 2012 ishte 42,9 për qind.