Indonezi, regjistrohet sërish aktivitet në vullkanin Merapi

Në vullkanin Merapi në ishullin Java të Indonezisë pas javës së kaluar është shënuar sërish aktivitet vullkanik, transmeton Anadolu Agency (AA).

Qendra Teknologjike dhe Kërkimore e Katastrofave Gjeologjike (BPPTKG) në një deklaratë njoftoi se Merapi këtë mëngjes ka lëshuar 2 herë llavë dhe se tymrat e shkaktuar kanë arritur në lartësinë 3 km.

Aktiviteti i parë vullkanik është regjistruar në orën 05:58 me orën lokale dhe aktiviteti i dytë në orën 06:43.

BPPTKG për banorët në Yogyakarta paralajmëroi se aktiviteti i katastrofës në rajon është në kategorinë e tretë.

Aktiviteti vullkanik në vullkanin Merapi u përjetua për herë të fundit më 8 gusht.

Në vitin 2010, 347 njerëz vdiqën si rezultat i shpërthimit të lavës së Vullkanit Merapi, i cili ndodhet në qytetin Yogyakarta në ishullin indonezian Java, me një lartësi prej 2.968 metrash.