Sekretari i Përgjithshëm i Organizatës Australiane të Inteligjencës së Sigurisë (ASIO), Mike Burgess paralajmëroi se protestat në Australi për shkak të konfliktit izraelito-palestinez mund të kthehen në "dhunë spontane", transmeton Anadolu.

Sipas ABC News, Burgess dha një deklaratë në margjinat e samitit të aleancës "Five Eyes" (Pesë Syte) të "inteligjencës elektronike" të mbajtur në shtetin amerikan të Kalifornisë.

"Shqetësimi i ASIO nuk është me protestat apo kundërprotestat, por me individët që mbajnë ideologji që argumentojnë se dhuna është përgjigje", tha Burgess.

Ai thotë se rritja e konfliktit izraelito-palestinez mund të ndryshojë nivelin "e mundshëm" të terrorizmit në Australi. Burgess thekson se ky është një faktor i rëndësishëm për sigurinë kombëtare dhe se kjo mundësi monitorohet vazhdimisht.

- Australia paralajmëron rreth udhëtimit në Liban

Uebfaqja e informacionit të udhëtimit të Departamentit Australian të Punëve të Jashtme "Smart traveller" paralajmëroi kundër udhëtimit në Liban për shkak të rreziqeve të ndryshueshme të sigurisë.

Faqja e internetit paralajmëroi se një sulm terrorist mund të ndodhë kudo në vend, përfshirë Bejrutin, në çdo kohë.