Ömer Faruk Yıldız
18 Shkurt 2022•Përditësim: 19 Shkurt 2022
Organizata Ndërkombëtare për Migracionin (IOM) e lidhur me OKB-në ka reaguar ndaj kthimit prapa të emigrantëve nga kufiri grek, duke deklaruar se janë të shqetësuar për rritjen e vdekjeve të emigrantëve të parregullt në kufirin Turqi-Greqi, transmeton Anadolu Agency (AA).
Në një deklaratë me shkrim nga IOM thuhet se 21 migrantë të parregullt kanë humbur jetën në kufirin tokësor vetëm në dy muajt e parë të vitit 2022 dhe kjo shifër është dyfishi i numrit të migrantëve që kanë humbur jetën në dy muajt e parë në vitin 2021.
E shqetësuar për humbjet në rritje të jetëve, në deklaratë thuhet: "IOM është e shqetësuar për keqtrajtimin e emigrantëve në rajon, pavarësisht thirrjeve të bëra deri më tani".
Më tej theksohet se është e papranueshme trajtimi i emigrantëve në këtë mënyrë dhe se shpëtimi i jetëve të civilëve në situata të vështira është prioriteti i parë.
- Kthimet janë kundër ligjit ndërkombëtar
Deklarata i referohet edhe forcave greke të sigurisë që kthejnë migrantët e parregullt nga rajoni kufitar. "Në deklaratat e dhëna ekipeve të IOM-it thuhet se ka pasur raste të tilla si kthimi i emigrantëve, dëbimi masiv dhe përdorimi i jashtëzakonshëm i forcës kundër atyre që duan të kalojnë kufirin. Veprime të tilla siç është parimi i mos dëbimit janë në kundërshtim me detyrimet e shteteve sipas ligjit ndërkombëtar dhe rajonal", thuhet më tej.
Deklarata përcolli një thirrje për vendet anëtare të OKB-së për të ndërmarrë veprime për zbatimin e Objektivit 8 të Paktit Global për Migracionin, i cili përfshin "ndërmarrjen e veprimeve ndërkombëtare për të shpëtuar jetën e emigrantëve të zhdukur në pikat e përbashkëta kufitare".
Vitin e kaluar, rreth 3.500 emigrantë të parregullt që tentuan të kalonin në vendet evropiane përmes detit humbën jetën.
Greqia kohët e fundit ka dalë në pah me shkeljet e të drejtave të njeriut si shtyrja e anijeve me emigrantë që përpiqen të kalojnë Detin Egje për në Evropë, kthimin në Turqi, ndalimin e paligjshëm dhe dhunën ndaj emigrantëve.
