Mahmoud Barakat
28 Gusht 2018•Përditësim: 28 Gusht 2018
BAGDAD (AA) - Partitë kurde në Irak kanë zbuluar kushtet për mbështetje të bllokut më të madh parlamentar për të formuar qeverinë e re, raporton Anadolu Agency (AA).
Dje, Koalicioni për Demokraci dhe Drejtësi (PUK), Lëvizja "Goran", Grupi islamik i Kurdistanit dhe Unioni Islamik i Kurdistanit formuan një aleancë me 11 vende në Parlamentin e Irakut.
Duke folur për AA, Jamal Kojar, një anëtar kyç i aleancës dhe anëtar i Unionit Islamik të Kurdistanit, tha se mbështetja për bllokun më të madh parlamentar është kushtëzuar me arritjen e një marrëveshjeje zyrtare për të përmbushur kërkesat kurde.
Kojar më tej citoi kërkesat si “të drejtat kushtetuese në lidhje me nenin 140, naftës, kalimet kufitare dhe pagat e forcave Peshmerga”.
Neni 140 i kushtetutës irakiane bën thirrje për zgjidhjen e situatës në rajonet e kontestuara midis Bagdadit dhe Erbilit, si dhe i jep popullsisë të drejtën për të zgjedhur të mbetet nën qeverinë federale ose të bashkohet me rajonin gjysmë autonom të kurdëve në veri të Irakut.
Kojar pohoi se partitë kurde adoptuan një qasje të re për të patur njoftimin zyrtar të marrëveshjeve për të lidhur anën tjetër politike për të përmbushur kërkesat kurde.
Bagdadi dhe Erbili kanë qenë në kundërshtim me fushat e diskutueshme, administrimin e pasurisë së naftës, financimin dhe armatosjen e forcave Peshmerga.
Që nga zgjedhjet parlamentare në Irak që u mbajtën më 12 maj, dy rryma politike rivale shiite kanë konkurruar për të hartuar një bllok të shumicës në Parlament, e cila sipas kushtetutës së Irakut do të ketë të drejtën për të formuar qeverinë e ardhshme.
Rryma e parë përfshin Koalicionin Sairoon të udhëhequr nga kleriku i njohur shiit Muqtada al-Sadr, si dhe Bllokun e Fitores të udhëhequr nga kryeministri Haidar al-Abadi.
Rryma e dytë përfshin Koalicionin Shtetëror të Ligjit të udhëhequr nga nënpresidenti Nouri al-Maliki dhe Aleancën Fatah të udhëhequr nga Hadi al-Amiri, e cila gjithashtu përfshin edhe krahun politik Hashd al-Shaabi.
