Në kryeqytetin e Iranit, Teheran, u vendosën posterë pas takimit që u mbajt kohë më parë mes presidentit amerikan Donald Trump dhe presidentit ukrainas, Volodymyr Zelenskyy, i cili kaloi me debat, raporton Anadolu.

Në rrugët e Teheranit u vendosën posterë me mbishkrimin "T'i besosh erës".

Mes Trumpit dhe Zelenskyyt shpërtheu një debat gjatë takimit që u mbajt në Zyrën Ovale më 28 shkurt. Pas kësaj u anulua konferenca e përbashkët për media e planifikuar më parë ndërsa Zelenskyy u largua nga Shtëpia e Bardhë.

Gjatë debatit, Trump kritikoi qëndrimin e liderit ukrainas ndërsa Zelenskyy shprehu pritshmërinë e tij për mbështetje për vendin e tij.

Pas diskutimit, nuk u nënshkrua as marrëveshja për mineralet e rralla të tokës që ishte paralajmëruar të nënshkruhej.

Më pas Trump konfirmoi se ka marrë një letër nga homologu i tij ukrainas, Zelenskyy në të cilën ai shpreh gatishmërinë e Kievit për t'u ulur në tryezën e bisedimeve për të arritur "paqe të qëndrueshme" dhe për të nënshkruar marrëveshje për mineralet dhe sigurinë.