Irani njoftoi se Izraeli goditi spitalin fushor të Gjysmëhënës së Kuqe të Iranit në kufirin Liban-Siri
Spitali u instalua pak kohë më parë nga Gjysmëhëna e Kuqe e Iranit me qëllim për të ofruar ndihmë mjekësore ndaj libanezëve të plagosur gjatë sulmeve të Izraelit
Teheran
Gjysmëhëna e Kuqe e Iranit njoftoi se Izraeli kreu një sulm ndaj një spitali fushor të Iranit në kufirin Liban-Siri, transmeton Anadolu.
Në deklaratën e bërë nga llogaria e medias sociale X të Gjysmëhënës së Kuqe të Iranit, theksohet se spitali fushor me 56 shtretër dhe depoja e ilaçeve e ngritur në kufirin Liban-Siri u dogj plotësisht në sulmin që Izraeli kreu mbrëmë.
Informohet se spitali u instalua pak kohë më parë nga Gjysmëhëna e Kuqe e Iranit me qëllim për të ofruar ndihmë mjekësore ndaj libanezëve të plagosur gjatë sulmeve të Izraelit.
"I gjithë ekipi unë i shëndetësisë është i sigurt por janë shkatërruar ambulancat, pajisjet dhe materialet shëndetësore të spitalit", tha kreu i Gjysmëhënës së Kuqe të Iranit, Pir Hossein Kolivand, duke treguar në sulm nuk ka humbje jete.
Gjysmëhëna e Kuqe e Iranit më 6 tetor njoftoi ngritjen e spitalit fushor në kufirin Liban-Siri.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.