Irani shënon rekord të vdekjeve ditore nga koroanvirusi

Irani regjistroi 251 vdekje nga koronavirusi i ri, që është numri më i lartë ditor i vdekjeve në vend, transmeton Anadolu Agency (AA).

Zëdhënësja e Ministrisë së Shëndetësisë Sima Sadat Larry tha se 28.544 kanë vdekur që nga fillimi i pandemisë, duke e bërë Iranin vendin më të goditur në rajon.

Në 24 orët e fundit janë konfirmuar 3.822 raste të reja, duke rritur numrin e përgjithshëm të rasteve të raportuara në gjithë vendin në 500.075, kurse 4.509 pacientë janë në gjendje kritike.

Zëvendëspresidenti i Iranit dhe drejtori i Zyrës për Energji Atomike, Ali Ekber Salihi, gjithashtu është infektuar me koronavirus.

Më 3 tetor, ai rezultoi pozitiv dhe që prej atëherë ka qenë në karantinë. Gjithashtu u konfirmua se 71-vjeçari Salihi aktualisht po ndihet mirë dhe po kryen detyrën e tij nga shtëpia.