Në një sulm ajror izraelit në një tendë refugjatësh në rajonin Al-Mevasi në jugperëndim të Rripit të Gazës humbën jetën 4 palestinezë, përfshirë 2 fëmijë, raporton Anadolu.

Dëshmitarët okularë duke folur për korrespondentin e AA-së thanë se avioni luftarak izraelit shënjestroi një tendë në rajonin Al-Mevasi, që ndodhet në vijën bregdetare në perëndim të qytetit Khan Younis. Sulmi shkaktoi zjarr në çadrën në fjalë si dhe në tendat tjera në zonën përreth.

Burime shëndetësore palestineze në deklaratën për AA theksuan se nga sulmi kanë humbur jetën 4 persona, mes të cilëve 2 fëmijë ndërsa disa persona janë plagosur.