Izraeli do të marrë pjesë në një stërvitje ushtarake në Marok

Ministria e Mbrojtjes e Izraelit ka njoftuar se vëzhgues ushtarakë izraelitë do të marrin pjesë në një stërvitje ushtarake që javën e ardhshme në Marok, transmeton Anadolu Agency (AA).

Në një deklaratë të ministrisë thuhet se pjesëmarrja në stërvitjen "Luani Afrikan 2022" në Marok është "një hap shtesë në forcimin e marrëdhënieve të sigurisë midis vendeve".

Kjo është hera e parë që Izraeli merr pjesë në një stërvitje ushtarake ndërkombëtare në vendin e Afrikës Veriore.

Në deklaratë thuhet se edhe forcat amerikane do të marrin pjesë në stërvitje.

Nuk kishte asnjë koment nga autoritetet marokene mbi raportimin.

Vitin e kaluar, një njësi marokene kundër terrorizmit mori pjesë në një stërvitje shumëkombëshe në Izrael.

Maroku ishte vendi i katërt arab që normalizoi marrëdhëniet me Izraelin në vitin 2020 pas Emirateve të Bashkuara Arabe, Bahrejnit dhe Sudanit.