Izraeli paraqet apel kundër urdhërarresteve të GJNP-së për Netanyahun dhe Gallantin
Muajin e kaluar, GJNP-ja lëshoi urdhërarreste për Netanyahun dhe Gallantin për krime lufte dhe krime kundër njerëzimit në Gaza
Kuds
Izraeli ka paraqitur një apel sot kundër urdhërarrestit të lëshuar nga Gjykata Ndërkombëtare Penale (GJNP) për kryeministrin Benjamin Netanyahu dhe ish-ministrin e Mbrojtjes Yoav Gallant, transmeton Anadolu.
Radioja e ushtrisë izraelite e transmetoi lajmin pa dhënë detaje të mëtejshme.
Muajin e kaluar, GJNP-ja lëshoi urdhërarreste për Netanyahun dhe Gallantin për krime lufte dhe krime kundër njerëzimit në Gaza.
Izraeli ka kundërshtuar vazhdimisht juridiksionin e gjykatës, pasi nuk është një shtet anëtar i GJNP-së.
Izraeli ka nisur një luftë gjenocidale në Rripin e Gazës që ka vrarë rreth 45.000 viktima, kryesisht gra dhe fëmijë, që nga një sulm nga grupi i rezistencës palestineze, Hamas, më 7 tetor 2023.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën e tij kundër Gazës.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
