Jordania thirrje Izraelit të ndalojë bastisjet në Xhaminë Al-Aksa
Zëdhënësi i Ministrisë së Punëve të Jashtme të Jordanisë, Haitham Abul Foul tha se "Të gjithë 144 hektarët e Mesxhid al-Aksasë janë vende adhurimi për muslimanët"
![Jordania thirrje Izraelit të ndalojë bastisjet në Xhaminë Al-Aksa](https://cdnuploads.aa.com.tr/uploads/Contents/2022/05/05/thumbs_b_c_849ef7567cae3b84f3708186a8a37b22.jpg?v=160819)
Amman
Jordania ka reaguar ndaj bastisjeve të hebrenjve fanatikë në Mesxhid al-Aksa dhe i ka bërë thirrje qeverisë së Tel Avivit që të ndalojë bastisjet, transmeton Anadolu Agency (AA).
Zëdhënësi i Ministrisë së Punëve të Jashtme të Jordanisë, Haitham Abul Foul bëri një deklaratë me shkrim në lidhje me bastisjen e kolonëve fanatikë hebrenj në Mesxhid al-Aksa.
Në deklaratë, Abul Foul tha: "Të gjithë 144 hektarët e Mesxhid al-Aksasë janë vende adhurimi për muslimanët".
Ai theksoi se Mesxhid al-Aksa është nën kujdesin e Administratës së Fondacioneve Islame të Kudsit, e cila është e lidhur me Ministrinë Jordaneze të Fondacioneve, Çështjeve Islame dhe Shenjtërisë. Abul Foul deklaroi se vizitat jomuslimane në Mesxhid al-Aksa duhet të organizohen nga Administrata e Fondacioneve Islame të Kudsit.
Abul Foul i bëri thirrje Izraelit që të ndalojë këto bastisje dhe të respektojë shenjtërinë e Al-Aksës.
Bastisje në Mesxhid al-Aksa nga hebrenjtë fanatikë
Rreth 600 kolonë fanatikë hebrenj, të shoqëruar nga policia izraelite hynë në oborrin e Mesxhid al-Aksa në Kudsin Lindor të pushtuar në mëngjes me pretekstin e ditës së themelimit të Izraelit.
Rreth 50 palestinezë që protestonin kundër bastisjes së hebrenjve fanatikë në Al-Aksa u arrestuan nga policia izraelite.
Shkelet sovraniteti i Administratës së Fondacioneve Islame të Kudsit
Sipas traktatit të paqes të nënshkruar ndërmjet Izraelit dhe Jordanisë më 26 tetor 1994, Mesxhid al-Aksa është nën kujdesin e Administratës së Fondacioneve Islame të Kudsit, e cila është e lidhur me Ministrinë Jordaneze të Fondacioneve, Çështjeve Islame dhe Shenjtërisë faltore e shoqëruar nga policia.
Duke i përshkruar këto hyrje si bastisje, Administrata e Fondacioneve Islame të Kudsit deklaron se cenohet sovraniteti i muslimanëve.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.