“Deri tani, mund të konfirmojmë se nëntë persona kanë vdekur pasi një burrë u përplas me turmën në festivalin e mbrëmshëm ‘Lapu Lapu’”, tha Policia e Vancouverit në X.

Policia tha se është “e bindur” se incidenti nuk është akt terrorizmi.

Shoferi, një burrë 30-vjeçar nga Vancouveri, është aktualisht në paraburgim.

Kryeministri kanadez Mark Carney shprehu ngushëllimet e tij në një postim në X, duke thënë: “Jam i shkatërruar nga ngjarjet e tmerrshme në festivalin Lapu Lapu në Vancouver më herët këtë mbrëmje”.

“U shpreh ngushëllimet e mia më të thella të dashurve të të vrarëve dhe të lënduarve, komunitetit filipino-kanadez dhe të gjithëve në Vancouver. Ne të gjithë jemi në zi me ju”, shtoi ai, duke deklaruar se po e monitorojnë nga afër situatën.

Automjeti u përplas me një turmë të mbledhur për Festën e Ditës së Lapu Lapusë, një festë vjetore në nder të heroit të parë kombëtar të Filipineve.