Kinë, në provincën Hubei zbulohet varri i epokës Ming

Një varrezë e lashtë është zbuluar gjatë gërmimeve për të hapur një themel në një kantier ndërtimi në provincën Hubei të Kinës veriore, transmeton Anadolu Agency (AA).

Sipas lajmeve të agjencisë Xinhua, Agjencia për Mbrojtjen e Trashëgimisë Kulturore të provincës njoftoi se varri i përket periudhës së mesme të dinastisë Ming, e cila sundoi në periudhën 1368-1644.

Në varrin në formë gjashtëkëndëshi, i cili ishte ndërtuar me tulla të gdhendura me modele, kishte dy arkivole të vendosura njëra mbi tjetrën dhe mbetje skeletore njerëzore brenda arkivoleve.

Gjithashtu thuhet se nga varri u zbuluan 4 pllaka qeramike me xham të bardhë dhe një tas qeramike i kaltër dhe i bardhë.

Ekspertët thanë se gjetjet janë në përputhje me studimet arkeologjike mbi varret në rajon.

Në provincën Shandong të Kinës veriore, javën e kaluar u raportuan 29 varre antike, disa prej të cilave datojnë në shekujt e parë të erës sonë. Më shumë se 90 enë balte, enë, pjata dhe monedha bronzi u zbuluan gjatë gërmimeve të kryera në rrënojat në lagjen Laivu të kryeqytetit provincial Cinan. Arkeologët thanë se 11 nga 29 varret i përkisnin dinastisë Han Lindore, e cila sundoi në rajon midis viteve 25-205.