Mbretëri e Bashkuar, një person akuzohet për asistencë të inteligjencës ruse

Një 64-vjeçar në Mbretërinë e Bashkuar është akuzuar se ka ndihmuar inteligjencës ruse, pasi javën e kaluar u arrestua nga policia britanike kundër terrorizmit, transmeton Anadolu.

Zyra Metropolitane njoftoi se Howard Michael Phillips nga Harlow në qarkun Essex është akuzuar për ndihmë të inteligjencës ruse, në kundërshtim me nenin 3 të Aktit të Sigurisë Kombëtare.

Javën e kaluar, Phillips u arrestua në qendër të Londrës nga policia kundër terrorizmit dhe u ndalua sipas nenit 27 të Aktit të Sigurisë Kombëtare.

“Në kuadër të hetimit, i cili po udhëhiqet nga oficerët e Komandës kundër Terrorizmit, oficerët kontrolluan gjithashtu një adresë në zonën e Hertfordshire-s dhe një adresë në zonën e Essex-it”, thuhet në njoftim.

Policia theksoi se të dy kërkimet tani kanë përfunduar.

Më tej, theksohet se arrestimi nuk lidhet me ndonjë akuzë apo hetim tjetër të fundit të lidhur me veprat penale të Aktit të Sigurisë Kombëtare dhe nuk besohet të ketë ndonjë kërcënim për publikun e gjerë në lidhje me këtë çështje.