Në sulmin e Hezbollahut vriten 4 ushtarë izraelitë dhe dhjetëra të tjerë plagosen
Në sulmin me dron nga Hezbollahu ndaj një baze ushtarake në qytetin Haifa, janë vrarë 4 ushtarë izraelitë ndërsa 58 të tjerë, përfshirë 7 ushtarë u plagosën rëndë
Istanbul
Ushtria izraelite njoftoi se në sulmin me dron nga Hezbollahu ndaj një baze ushtarake në qytetin Haifa 4 ushtarë të saj humbën jetën dhe 58 të tjerë, përfshirë 7 ushtarë u plagosën rëndë, transmeton Anadolu.
Në një deklaratë me shkrim nga ushtria izraelite thuhet se të gjithë ushtarët e plagosur nga sulmi me dron i Hezbollahut në bazën ushtarake janë dërguar në spital dhe se janë informuar familjet e tyre.
Identiteti i ushtarëve të vrarë do të bëhet i ditur më pas, thuhet në deklaratën ku potencohet se vazhdon hetimi lidhur me ngjarjen.
Në lajmin e gazetës izraelite "Yediot Ahranot" të cilin e bazon në ushtrinë izraelite, thuhet se droni i dërguar nga Hezbollahu është ndjekur derisa është zhdukur nga radari.
Më tej thuhet se Hezbollahu i lëshoi 2 dronët nga deti.
Në deklaratën e Hezbollahut thuhet se një sulm është kryer me flotën e dronëve ndaj bazës stërvitore të Brigadës Golani të ushtrisë izraelite në rajonin Binyamina në jug të qytetit Haifa, në solidaritet me rezistencën palestineze, për mbrojtjen e popullit të Libanit dhe në përgjigje të sulmeve izraelite ndaj lagjeve Basta dhe Nuwayri në Bejrut.