Bota

"NATO mbështet transparencën e Turqisë mbi operacionin në Siri"

“Asnjë aleat tjetër i NATO-s nuk ka pësuar aq shumë sulme terroriste sa Turqia. Dhe, ju jeni aleati më i ekspozuar ndaj paqëndrueshmërisë në këtë rajon”, tha Stoltenberg

Nazlı Yüzbaşıoğlu  | 16.04.2018 - Përdıtësım : 16.04.2018
"NATO mbështet transparencën e Turqisë mbi operacionin në Siri" Foto: Fatih Aktaş / AA

Ankara

ANKARA (AA) – Sekretari i Përgjithshëm i NATO-s, Jens Stoltenberg, ka deklaruar se NATO përshëndet “transparencën” e Turqisë në operacionin e saj kundër-terrorist “Dega e Ullirit”, i cili zhvillohet në Afrin të Sirisë, raporton Anadolu Agency (AA). 

“Ministri Çavuşoğlu më tregoi për operacionin ‘Dega e Ullirit’ dhe unë jam mirënjohës për transparencën e vazhdueshme të Turqisë mbi këtë”, tha Stoltenberg në konferencën e përbashkët për media me ministrin e Jashtëm të Turqisë, Mevlüt Çavuşoğlu. 

Shefi i Aleancës së NATO-s tha se Turqia “me të vërtetë” bëri shumë për aleancën, pavarësisht përballjes me sfidat “serioze” të sigurisë. “Asnjë aleat tjetër i NATO-s nuk ka pësuar aq shumë sulme terroriste sa Turqia. Dhe, ju jeni aleati më i ekspozuar ndaj paqëndrueshmërisë në këtë rajon”, tha Stoltenberg.

Turqia nisi operacionin “Dega e Ullirit” më 20 janar për të pastruar grupet terroriste YPG/PKK dhe të DEASH-it nga Afrini mes kërcënimeve në rritje nga rajoni.

Ndërkaq, ministri Çavuşoğlu tha se ai dhe Stoltenberg diskutuan për çështjet rajonale, duke përfshirë Sirinë, Libinë, Irakun dhe një takim të NATO-s të planifikuar për në muajin korrik në Bruksel.

Shefi i diplomacisë turke tha se Stoltenberg kishte vizituar Turqinë shtatë herë, duke shtuar se, “Kjo është një shenjë e rëndësisë së vendosur ndaj Turqisë si një aleat”.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın