Një avion F-16 i Tajvanit rrëzohet në bregun lindor të ishullit

Një avion luftarak tajvanez F-16 u rrëzua në bregun lindor të ishullit të martën në mbrëmje, duke nxitur një operacion kërkim-shpëtimi për pilotin, transmeton Anadolu.

Forcat Ajrore thanë se F-16 ishte në një mision rutinë trajnimi dhe piloti, i identifikuar si Kapiten Hsin, besohet se është hedhur nga avioni në Qarkun Hualien, sipas agjencisë së lajmeve "Central News".

Udhëheqësi tajvanez, William Lai Ching-te u ka udhëzuar të gjitha agjencive përkatëse të mos kursejnë asnjë përpjekje për të gjetur pilotin dhe për të përcaktuar shkakun e aksidentit, sipas një deklarate të lëshuar në platformën e mediave sociale amerikane Facebook.