Një tërmet me magnitudë 7.4 ballë ka goditur pjesën veriore të shtetit të Amerikës Jugore, Kili, transmeton Anadolu.

Qendra e Kërkimeve Gjeologjike të SHBA-së (USGS) njoftoi se epiqendra e tërmetit ishte në San Pedro de Atacama që ndodhet në rajonin Antofagasta.

Tërmeti 7.4 ballë është regjistruar rreth 117 kilometra në thellësi.

Pas tërmetit nuk u lëshua paralajmërim për cunami ndërsa nuk është raportuar as për viktima e as për dëme.

Bëhet e ditur se tërmeti u ndje edhe në Tacna dhe Arequipa, rajonet jugore të Perusë dhe shkaktoi panik në publik.

Në deklaratën e Shërbimit Kombëtar për Parandalim dhe Reagim ndaj Fatkeqësive (Senapred) thuhet se po vlerësohen dëmet e mundshme të tërmetit.

Ndërsa nga Shërbimi Hidrografik dhe Oqeanografik i Forcave Detare (SHOA) u njoftua se nuk janë plotësuar kushtet e nevojshme që do të shkaktonin paralajmërim për cunami përgjatë bregdetit të Kilit.