Një tërmet prej 6,2 ballësh godet Iranin

STAMBOLL (AA) – Një tërmet prej 6,2 ballësh ka goditur zonën rurale të qytezës Hoxhedek të provincës Kerman, e cila ndodhet në juglindje të Iranit, transmeton Anadolu Agency (AA).

Qendra Sizmologjike e Institutit Gjeofizik të Universitetit të Teheranit ka njoftuar se tërmeti është regjistruar në një thellësi prej 10 kilometrash.

Ende nuk ka informacione zyrtare për dëmet e shkaktuara nga tërmeti, por njoftohet se në rajon janë dërguar ekipet e kërkim-shpëtimit.