Në Arabinë Saudite ka filluar një takim i zgjeruar ministror arab për Sirinë pas rënies së regjimit të Bashar Asadit muajin e kaluar, raporton Anadolu.

Në takim marrin pjesë ministrat e jashtëm të Arabisë Saudite, Sirisë, Emirateve të Bashkuara Arabe, Katarit, Kuvajtit, Omanit, Bahreinit, Egjiptit, Irakut, Jordanisë dhe Libanit, si dhe shefi i Ligës Arabe, Ahmed Aboul-Gheit, dhe Sekretari i Përgjithshëm i Këshilli i Bashkëpunimit të Gjirit, Jasem Mohamed Al-Budaiwi.

Në takim është i pranishëm edhe ministri i Jashtëm turk Hakan Fidan.

Asad, lideri i Sirisë për gati 25 vjet, u arratis në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit dhjetëravjeçar të Partisë Baath.

Një administratë e re e udhëhequr nga Ahmed al-Sharaa ka marrë tani kontrollin e vendit.