"Në Jemen rreth 11 mijë pacientë me AIDS luftojnë për mbijetesë”

Organizata Ndërkombëtare për Migracionin e Kombeve të Bashkuara (IOM) njoftoi se në Jemen ka rreth 11 mijë pacientë me AIDS, transmeton Anadolu Agency (AA).

Në raportin e botuar nga IOM, thuhet se afërsisht 11 mijë pacientë me AIDS po luftojnë për të mbijetuar në Jemen, ku ka mungesë të pajisjeve mjekësore.

Në raport, ku thuhet se është e vështirë të marrësh ilaçe dhe shërbime shëndetësore në vende të tilla si Jemeni, ku mbizotëron konflikti dhe kriza dhe se vetëm 50 për qind e objekteve shëndetësore punojnë me kapacitet të plotë në vend.

Në Jemen i cili ka qenë skenë e përplasjeve midis rebelëve Houthi të mbështetur nga Irani dhe forcave qeveritare që nga shtatori 2014, për shkak të urisë dhe varfërisë, si dhe mungesës së ilaçeve dhe pajisjeve të ndryshme në sistemin shëndetësor, ata që vuajnë nga sëmundjet nuk mund të aplikojnë as në institucionet shëndetësore.

Sipas raporteve të Organizatës Botërore të Shëndetësisë (OBSH), dy të tretat e popullit të Jemenit kanë vështirësi në arritjen e shërbimeve shëndetësore.

Në Jemen, ku paqëndrueshmëria politike ka mbizotëruar për një kohë të gjatë, Houthitë e mbështetur nga Irani që nga shtatori i vitit 2014 kontrollojnë kryeqytetin Sanaa dhe disa rajone.

Ndërkaq, forcat e koalicionit të udhëhequra nga Arabia Saudite që nga marsi 2015 kanë mbështetur qeverinë legjitime të Jemenit kundër Houthive.