Në sulmet e Izraelit në Gaza vriten 21 palestinezë

Në sulmet e ushtrisë izraelite në Rripin e Gazës që nga orët e mëngjesit kanë humbur jetën 21 palestinezë, raporton Anadolu.

Sipas informacionit të marrë nga burimet shëndetësore, 13 persona humbën jetën në sulmin e ushtrisë izraelite ndaj shtëpisë së familjes palestineze Abdulbari në qytetin Khan Younis në jug të Rripit të Gazës.

Një person u vra dhe katër të tjerë u plagosën në sulmin që shënjestroi një tendë ku palestinezët e zhvendosur po strehoheshin në perëndim të Khan Younis.

Ndërkohë tre anëtarë të familjes palestineze Abu Rizk humbën jetën në një sulm ajror të kryer ndaj zonës Miraj në qytetin Rafah në jug të Rripit të Gazës, ndërsa dy anëtarë të familjes palestineze Abu Senime humbën jetën si pasojë e goditjes së shtëpisë së tyre.

Dëshmitarët thanë se ushtria izraelite ka kryer sulme intensive dhe të dhunshme ndaj qytetit Rafah. Dy persona humbën jetën nga bombardimet e ushtrisë izraelite ndaj shtëpisë së familjes palestineze Najm në kampin e refugjatëve Nuseirat në pjesën qendrore të Rripit të Gazës.

Gjithashtu u raportua se jetën e ka humbur edhe një fëmijë i cili u plagos të hënën në sulmin e ushtrisë izraelite në një tendë ku palestinezët po strehoheshin në veri të Khan Younis.