Aysu Biçer
05 Shkurt 2024•Përditësim: 06 Shkurt 2024
Pallati Buckingham ka bërë të ditur se Mbreti Charles i Britanisë është diagnostikuar me kancer dhe ka filluar trajtimin, transmeton Anadolu.
Siç theksohet në njoftim, zbulimi pasoi një ndërhyrje të mëparshme mjekësore për zmadhimin beninj të prostatës, e cila çoi në zbulimin e gjendjes dytësore.
Edhe pse pallati mbretëror u përmbajt nga specifikimi i llojit të kancerit që prek monarkun, ajo pohoi se diagnoza nuk ka të bëjë me kancerin e prostatës.
“Mbreti është mirënjohës ndaj ekipit të tij mjekësor për ndërhyrjen e shpejtë të tyre, që u bë e mundur falë procedurës së tij të fundit në spital. Ai mbetet plotësisht pozitiv për trajtimin e tij dhe pret që të kthehet në detyrën e plotë publike sa më parë”, tha pallati.
“Madhështia e tij ka zgjedhur të ndajë diagnozën e tij për të parandaluar spekulimet dhe me shpresën se mund të ndihmojë mirëkuptimin publik për të gjithë ata në mbarë botën që janë të prekur nga kanceri “, theksohet në njoftim.
