Sekretari i Përgjithshëm i OKB-së Antonio Guterres uroi Kurban Bajramin, duke u solidarizuar me muslimanët në mbarë botën të cilët nuk janë në gjendje të festojnë me të dashurit e tyre për shkak të konflikteve, transmeton Anadolu.

“Këtë Kurban Bajram, unë shpreh solidaritetin tim me të gjithë muslimanët të cilët, për shkak të konfliktit, dhunës dhe ndarjes, nuk do të mund të festojnë me të dashurit e tyre”, tha Guterres në X.

“Vlerat e solidaritetit dhe empatisë që frymëzon ky rast le të na udhëheqin drejt dhembshurisë dhe paqes për të gjithë”, shtoi ai.