Disa protestues pro Palestinës janë ndaluar nga policia gjermane pas një demonstrate në Berlin kundër sulmeve të vazhdueshme të Izraelit në Rripin e Gazës, që ka marrë të paktën 40.700 jetë që nga 7 tetori i vitit të kaluar, raporton Anadolu.

Qindra njerëz dje u tubuan në sheshin Breslauer në lagjen Fridenau për të protestuar kundër sulmeve të Izraelit ndaj Palestinës dhe për të treguar solidaritet me palestinezët.

Policia gjermane ndalon disa protestues pro-palestinezë pas tubimit në Berlin https://t.co/Uz6l9H5KJo pic.twitter.com/VUv9Vb6BMF

— Anadolu Shqip (@aa_albanian) September 1, 2024

Megjithatë, një grup që shfaqte flamuj izraelitë u përpoq të provokonte demonstratën pranë stacionit të metrosë Walter Schreiber Platz. Pas protestës, policia ndaloi disa protestues.

Tensionet mes policisë dhe protestuesve u krijuan herë pas here, ku policia përdorte masa të forta.

Izraeli ka vazhduar ofensivën brutale në Rripin e Gazës pas një sulmi nga grupi palestinez Hamas më 7 tetor të vitit të kaluar, pavarësisht nga rezoluta e Këshillit të Sigurimit të OKB-së që bën thirrje për një armëpushim të menjëhershëm.

Sulmi ka rezultuar në të paktën 40.700 vdekje palestineze, kryesisht gra dhe fëmijë, si dhe në mbi 93.800 të plagosur. Një bllokadë e vazhdueshme e Gazës ka çuar në mungesa të mëdha të ushqimit, ujit të pastër dhe ilaçeve, duke e lënë pjesën më të madhe të rajonit në gërmadha.