Presidenti Macron: Nuk jam i detyruar t'i kërkoj falje Algjerisë

Presidenti i Francës, Emmanuel Macron, deklaroi se kërkimi i faljes së vendit të tij për historinë koloniale në Algjeri nuk do të rregullojë asgjë, transmeton Anadolu Agency (AA).

"Nuk jam i detyruar të kërkoj falje", tha Macron në një intervistë për revistën "Le Point" me shkrimtarin algjerian, Kamel Daoud, duke iu përgjigjur thirrjeve se Franca duhet t'i kërkojë falje Algjerisë për kolonializmin.

"Unë nuk kam pse të kërkoj falje. Nuk është kjo tema, kjo shprehje (kërkimi për falje) prish të gjitha marrëdhëniet", tha Macron.

Presidenti francez, një përfundim sikur "Ne kërkojmë falje dhe pastaj secili shkon në rrugën e vet", është gjëja më e keqe për t'u bërë.

Macron argumentoi se kërkimi i faljes për historinë koloniale të Francës në Algjeri nuk do të rregullonte asgjë. "E kaluara që na ndan gjithashtu na lidh", tha ai, duke shtuar se Algjeria dhe Franca nuk mund të vazhdojnë rrugën e tyre duke injoruar njëra-tjetrën.

Ai tha se i ka kërkuar historianit Benjamin Stora, të përgatiste një raport mbi historinë e kolonizimit francez të Algjerisë.

- Macron pretendoi se vizita e tij në Algjeri ishte e manipuluar

Duke kujtuar se ai vizitoi Algjerinë në gusht 2022 dhe se për thirrjet e sloganeve "Rroftë Algjeria" teksa ai donte të përshëndeste turmën e mbledhur në qytetin e Oranit, Macron tha: "Njerëzit ishin të ngrohtë. Thonin 'Mirë se erdhe'. Pastaj disa njerëz të motivuar politikisht hynë në turmë, një ose dy prej tyre ofenduan".

Macron pohoi se njerëzit e rajonit ishin të kënaqur me të, por sipas tij ekstremistët e djathtë keqdashës u përpoqën të keqinterpretonin vizitën duke e manipuluar atë.