Presidenti ukrainas propozon në parlament projektligj për ratifikimin e Statutit të Romës
Një shënim përkatës sqarues mbi projektligjin thotë se ndër arsyet e propozimit të tij është edhe sjellja e dispozitave të Kodit Penal të Ukrainës në “përputhje me normat e Statutit të Romës të Gjykatës Ndërkombëtare Penale”
![Presidenti ukrainas propozon në parlament projektligj për ratifikimin e Statutit të Romës](https://cdnuploads.aa.com.tr/uploads/Contents/2024/08/15/thumbs_b_c_013ca20ef2e31bbac090e6424d4469bf.jpg?v=220937)
Istanbul
Presidenti ukrainas, Volodymyr Zelenskyy, ka propozuar në parlament një projektligj për ratifikimin e Statutit të Romës, transmeton Anadolu.
Projektligji, që u publikua në faqen zyrtare të parlamentit ukrainas, është shënuar si i pranuar.
Një shënim përkatës sqarues mbi projektligjin thotë se ndër arsyet e propozimit të tij është edhe sjellja e dispozitave të Kodit Penal të Ukrainës në “përputhje me normat e Statutit të Romës të Gjykatës Ndërkombëtare Penale”.
“Në kushtet e konfliktit të armatosur ndërkombëtar me Federatën Ruse, sjellja e dispozitave të legjislacionit ukrainas për përgjegjësinë penale në përputhje me kërkesat e ligjit penal ndërkombëtar është një çështje jashtëzakonisht e rëndësishme që duhet zgjidhur”, thuhet në shënimin e propozimit të projektligjit.
Statuti i Romës i Gjykatës Ndërkombëtare Penale, i miratuar në vitin 1998 në kryeqytetin Italian Romë, është traktati që themeloi gjykatën ndërkombëtare me seli në Hagë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.