Putin dhe Pashinyan diskutojnë mbi marrëdhëniet Azerbajxhan-Armeni
Presidenti i Rusisë, Vladimir Putin dhe kryeministri i Armenisë, Nikol Pashinyan, shkëmbyen mendime për normalizimin e marrëdhënieve Armeni-Azerbajxhan
![Putin dhe Pashinyan diskutojnë mbi marrëdhëniet Azerbajxhan-Armeni](https://cdnuploads.aa.com.tr/uploads/Contents/2024/08/23/thumbs_b_c_6926b67d7b6590281e4411d4480315e9.jpg?v=152922)
Moskë
Presidenti i Rusisë, Vladimir Putin, diskutoi me kryeministrin e Armenisë, Nikol Pashinyan, lidhur me marrëdhëniet Azerbajxhan-Armeni, transmeton Anadolu.
Sipas një deklarate të bërë nga Kremlini, Putin në bisedën e tij telefonike me Pashinyan shkëmbeu mendime për normalizimin e marrëdhënieve Armeni-Azerbajxhan dhe tërhoqi vëmendjen për takimin që zhvilloi me presidentin e Azerbajxhanit, Ilham Aliyev, gjatë vizitës së tij zyrtare në Baku.
Gjatë takimit u theksua se Rusia është e gatshme të vazhdojë t'i sigurojë ndihmë Armenisë dhe Azerbajxhanit lidhur me zhvillimin e një marrëveshjeje paqeje, mbështetjen e procesit të përcaktimit dhe vizimit të kufijve si dhe heqjen e pengesave në lidhjet e transportit dhe logjistikës.
Putin dhe Pashinyan tërhoqën vëmendjen kryesisht edhe për dinamikën pozitive të ndërveprimit tregtar dhe ekonomik midis dy vendeve.
Gjithashtu në takimin e liderëve u arrit dakordësim për vazhdimin e kontakteve.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.