Rrëzohet një avion i vogël në Florida të SHBA-së
Administrata Federale e Aviacionit (FAA) konfirmoi se një “Cessna 310” me tre persona në bord u rrëzua pas ngritjes nga Aeroporti i Boca Ratonit
Ankara
Një aeroplan i vogël njoftohet se është rrëzuar në jug të shtetit amerikan të Floridës, transmeton Anadolu.
Administrata Federale e Aviacionit (FAA) konfirmoi se një “Cessna 310” u rrëzua pas ngritjes nga Aeroporti i Boca Ratonit në orën 10:12 me kohën lokale.
Siç njoftohet, në aeroplan, i cili po planifikonte të shkonte në Aeroportin Ndërkombëtar Tallahassee, gjendeshin tre persona.
Avioni është rrëzuar në një autostradë në Boca Raton, duke goditur një makinë dhe duke shpërthyer në flakë.
Pas aksidentit, në vendin e ngjarjes janë dërguar njësitet zjarrfikëse.
Disa autostrada janë mbyllur pas ngjarjes, duke përfshirë atë “Interstate 95” pranë aeroportit.
Nuk dihet ende nëse ka të mbijetuar në avion.
Kryetari i bashkisë së Boca Ratonit, Scott Singer, njoftoi se ka nisur një hetim për aksidentin.
“Mendimet tona janë me të gjithë të prekurit nga kjo ngjarje tragjike”, tha Singer, duke shtuar se po punohet ngushtë me reaguesit e urgjencës dhe autoritetet përkatëse.
Mbahet konferenca e katërt ndërqeveritare Shqipëri-BE, hapen negociatat për kapituj të rinj
Gërvalla: Anëtarësimi i Kosovës në Këshillin e Evropës të përmbyllet brenda Presidencës së Luksemburgut
Osmani: Përtej mbështetjes ekonomike dhe ushtarake, Erdoğan po e ndihmon Kosovën edhe në njohje
Për herë të parë flet publikisht një burrë i dhunuar seksualisht gjatë luftës në Kosovë
Osmani falënderon Erdoğanin për mbështetjen e Kosovës në Forumin në Antalya
 konfirmoi se një “Cessna 310” me tre persona në bord u rrëzua pas ngritjes nga Aeroporti i Boca Ratonit){kind=link}