Rusi, pas Kurskut fillojnë evakuimet edhe në rajonin Belgorod për shkak të përleshjeve
Guvernatori rajonal i Belgorodit, Vyacheslav Gladkov, konfirmoi se ka pasur përleshje me ushtrinë ukrainase në kufijtë e rajonit Krasnoyarujskiy në Belgorod
![Rusi, pas Kurskut fillojnë evakuimet edhe në rajonin Belgorod për shkak të përleshjeve](https://cdnuploads.aa.com.tr/uploads/Contents/2024/08/12/thumbs_b_c_3362a15c48956c8f6e83cd0659326093.jpg?v=105636)
Moskë
Raportohet se pas rajonit Kursk të Rusisë, ku pati përleshje me ushtrinë ukrainase, ka nisur evakuimi i njerëzve edhe në rajonin Krasnoyarujskiy të Belgorodit, transmeton Anadolu.
Guvernatori rajonal i Belgorodit, Vyacheslav Gladkov, në deklaratën në llogarinë e tij në rrjetet sociale, konfirmoi se ka pasur përleshje me ushtrinë ukrainase në kufijtë e rajonit Krasnoyarujskiy në Belgorod.
Duke theksuar se evakuimet filluan për të mbrojtur njerëzit e rajonit, Gladkov tha se qytetarët u zhvendosën në zona më të sigurta.
Më parë u raportua se më shumë se 76 mijë njerëz u evakuuan në Kursk të Rusisë.
Përplasjet mes dy ushtrive, të cilat nisën pas hyrjes së ushtrisë ukrainase në territorin rus të Kurskut më 6 gusht, vijojnë prej 7 ditësh.
Ndërsa situata në Kursk u ngrit në nivelin e "emergjencës federale", në rajonet Kursk, Belgorod dhe Bryansk u shpall një situatë kundër terrorizmit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.