Rusia thotë se ka marrë kontrollin e një vendbanimi tjetër në rajonin e Donetskut në Ukrainë
Ministria ruse e Mbrojtjes tha se forcat e saj kanë marrë vendbanimin Zhelanne, rreth 21 kilometra në juglindje të qytetit Pokrovsk, një pikë kyçe në ofensivën e vazhdueshme në frontin lindor të Ukrainës
Istanbul
ISTANBUL (AA) - Rusia pretendoi sot se ka marrë kontrollin e një vendbanimi tjetër në rajonin lindor ukrainas të Donetskut, transmeton Anadolu.
Ministria ruse e Mbrojtjes tha në një deklaratë se forcat e saj kanë marrë vendbanimin Zhelanne, rreth 21 kilometra në juglindje të qytetit Pokrovsk, një pikë kyçe në ofensivën e vazhdueshme në frontin lindor të Ukrainës.
Vendbanimi është gjithashtu gati 6 kilometra në jugperëndim të fshatit Prohres, të cilin Moska pretendoi se e pushtoi në fund të muajit të kaluar.
Një ditë më parë, Rusia pretendoi se kishte marrë vendbanimin Niu-York, të cilin e përshkroi si "një qendër logjistike e rëndësishme strategjike".
Verifikimi i pavarur i pretendimeve nga të dyja palët mbetet i vështirë për shkak të luftës në vazhdim.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
