Rusia thotë se ka penguar dy bombardues strategjikë amerikanë të kalojnë kufirin
Ministria ruse e Mbrojtjes tha se ka dërguar avionë luftarakë pas zbulimit të objektivave ajrore mbi Detin Barents
Istanbul
Rusia tha sot se ka penguar dy bombardues strategjikë amerikanë të kalonin kufirin e saj, transmeton Anadolu.
Në një deklaratë të Ministrisë ruse të Mbrojtjes thuhet se “mjetet e kontrollit të hapësirës ajrore” të vendit zbuluan një grup objektivash ajrore mbi Detin Barents ndërsa po i afroheshin kufirit.
Në deklaratë theksohet se avionët luftarakë rusë u dërguan për të identifikuar objektivat, të cilët ajo tha se i identifikuan ata si dy bombardues strategjikë B-52H që i përkisnin Forcave Ajrore të SHBA-së.
Më tej thuhet se bombarduesit strategjikë rregulluan kursin e tyre të fluturimit pasi avionët luftarakë rusë iu afruan atyre, duke shtuar se nuk ka pasur shkelje të kufirit rus.
“Fluturimi i avionëve rusë u krye në përputhje të rreptë me rregullat ndërkombëtare për përdorimin e hapësirës ajrore mbi ujërat neutrale dhe në përputhje me masat e sigurisë”, thuhet gjithashtu.
Autoritetet amerikane nuk e kanë komentuar ende deklaratën e Rusisë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
