Rusia: Ukraina kreu sulm me 45 dronë ndaj territorit tonë, përfshirë rajonin e Moskës
Ministria ruse e Mbrojtjes njoftoi se Ukraina kreu 45 sulme me mjete ajrore pa pilot (dronë) në territorin e Rusisë, prej të cilave 11 ishin në rajonin e Moskës
![Rusia: Ukraina kreu sulm me 45 dronë ndaj territorit tonë, përfshirë rajonin e Moskës](https://cdnuploads.aa.com.tr/uploads/Contents/2024/08/21/thumbs_b_c_bda99ee733ad612e69bae3bb113970d6.jpg?v=104505)
Moskë
Ministria ruse e Mbrojtjes njoftoi se Ukraina kreu 45 sulme me mjete ajrore pa pilot (dronë) në territorin e Rusisë, prej të cilave 11 ishin në rajonin e Moskës, transmeton Anadolu.
Në një deklaratë nga ministria lidhur me sulmin thuhet se "Natën që kaluam, regjimi i Kievit tentoi të kryejë sulm terrorist me dronë ndaj objektivave në territorin e Federatës Ruse".
Në deklaratë thuhet se sistemet ruse të mbrojtjes ajrore shkatërruan gjithsej 45 dronë të tipit avion, prej të cilave 11 u rrëzuan në rajonin e Moskës ndërsa 23 në rajonin Bryansk, 6 në rajonin Belgorod, 3 në rajonin Kaluga dhe 2 në rajonin e Kurskut.