SHBA, 4 të vdekur nga të shtënat me armë në shkollën e mesme në shtetin Georgia
Zyra e Hetimeve e shtetit Georgia tha se nëntë persona të tjerë të plagosur janë dërguar në spitale të ndryshme për t'u trajtuar
![SHBA, 4 të vdekur nga të shtënat me armë në shkollën e mesme në shtetin Georgia](https://cdnuploads.aa.com.tr/uploads/Contents/2024/09/05/thumbs_b_c_89be4399be4c6bad6025a675e3b8d453.jpg?v=002605)
Washington DC
Të paktën katër persona janë vrarë në një shkolle të mesme në shtetin Georgia në SHBA, transmeton Anadolu.
Zyra e Hetimeve e shtetit Georgia tha se nëntë persona të tjerë të plagosur janë dërguar në spitale të ndryshme për t'u trajtuar.
Një i dyshuar është ndaluar pas të shtënave në shkollën e mesme Apalachee në qytetin Winder të qarkut Barrow.
Zyra e Hetimeve theksoi se raportet për "neutralizimin" e të dyshuarit janë të pasakta.
Më herët, sherifi i qarkut Barrow, Jud Smith, në një konferencë për media tha se një hetim mbi të shtënat është “shumë i rrjedhshëm”.
“Ajo që shihni pas nesh është një gjë e keqe sot”, tha Smith, duke shtuar se mund të duhen ditë për të marrë përgjigje. Janë raportuar viktima, por detajet mbi numrin apo kushtet e tyre nuk janë të disponueshme për momentin”, tha zyra e sherifit.
Zyra e FBI-së në Atlanta tha se agjentët janë në vendin e ngjarjes në qarkun Barrow duke koordinuar dhe mbështetur zbatimin e ligjit lokal.
Shtëpia e Bardhë tha se presidenti Joe Biden është informuar nga këshilltarja e Sigurisë Kombëtare, Liz Sherwood-Randall, për “të shtënat tragjike” dhe administrata e tij do të vazhdojë të koordinohet me zyrtarët federal, shtetëror dhe lokal.