Ministri i Punëve të Jashtme i Arabisë Saudite, Princi Faisal bin Farhan, ka mbërritur në Bejrut, duke shënuar vizitën e parë të tillë në Liban në 15 vite, raporton Anadolu.

Princi bin Farhan, i shoqëruar nga një delegacion i nivelit të lartë, u prit në aeroportin Rafik Hariri nga homologu i tij libanez, Abdullah Boy Habaib dhe ambasadori saudit, Walid Bukhari.

Nga aeroporti, kryediplomati saudit vazhdoi në Pallatin Presidencial Baabda në Bejrutin lindor për t’u takuar me presidentin Joseph Aoun për ta uruar atë për marrjen e postit të ri.

Ministri saudit është planifikuar të takohet me kryeministrin e përkohshëm, Najib Mikati, kryetarin e parlamentit, Nabih Berri dhe kryeministrin e emëruar, Nawaf Salam.