Shkencëtarët australianë zbuluan se një lloj i krimbit është në gjendje të tretë polisterinin, një materie e përdorur shpeshherë në industrinë plastikës, transmeton Anadolu Agency (AA).

Sipas lajmit në uebfaqen "Science Daily", hulumtuesit e degës së Shkencave Biologjike Molekulare pranë Universitetit Queensland, vunë në pah se lloji i krimbit "Zophobas morio" falë një enzimi në zorrë, mund të konsumojë polistirenin.

Dr. Chris Rinke që zhvillon studimin, bashkë me ekipin e tij, gjatë 3 jave ushqyen krimbat me produkte të llojeve të ndryshme.

Krimbat që u ushqyen me polistirenin i cili përdoret në industrinë e plastikës, është vëzhguar se gjatë kësaj periudhe kanë mbijetuar dhe kanë shtuar peshë.

Pas studimit metagenomik, u zbulua se krimbat mund të tretin plastikën falë një enzime të sekretuar nga bakteret në zorrët e tyre.

Shkencëtarët theksuan se do të avancojnë studimet e tyre rreth enzimit, duke ndarë mendimin se krimbat mund të luajnë një rol kyç në riciklimin e mbetjeve plastike.

Studimi u publikua në revistën "Microbial Genomics".