Shpërthim në zonën e depozitimit të benzinës në Karabak të Azerbajxhanit

Shumë persona kanë humbur jetën dhe mbi 200 të tjerë janë plagosur si pasojë e një shpërthimi në një zonë për depozitimin e benzinës në afërsi të rrugës Khankendi-Askeran në rajonin Karabak të Azerbajxhanit, transmeton Anadolu.

Sipas lajmit të "Armenpress", agjencisë zyrtare të lajmeve të Armenisë, mësohet se shpërthimi ka ndodhur në një objekt për depozitimin e benzinës që ndodhet mbi rrugën Askeran.

Përfaqësuesit armenë në Karabak theksuan se si pasojë e shpërthimit dhe zjarrit të paraqitur më pas ka shumë të vdekur dhe të plagosur.

Thuhet se të gjitha spitalet në Khankendi kaluan në situatë emergjente, se numri i të plagosurve ka tejkaluar 200, se numri i të vdekurve nuk dihet dhe se shumica e të plagosurve janë në gjendje të rëndë.

Ndërkohë ende nuk është përcaktuar arsyeja e shpërthimit.