Shumica e gjermanëve pro pranimit të refugjatëve që largohen nga lufta

FRANKFURT (AA) - Sipas sondazhit të realizuar nga Instituti Gjerman për Kërkime Ekonomike (DIW), 80 përqind e gjermanëve mendojnë se është e drejtë që njerëzve që largohen nga vendet e tyre për shkak të luftës të iu jepet e drejta për azil në Gjermani, raporton Anadolu Agency (AA).

DIW Berlin ka publikuar rezultatet e anketës në lidhje me qasjen e popullit gjerman për refugjatët.

Sipas sondazhit, dy të tretat e pjesëmarrësve në anketim mbështesin opsionin e pranimit të refugjatëve në kuadër të Konventës 1951 për Refugjatët. Ndërkohë kjo mbështetje tregon ndryshime sipas arsyeve të azilit.

Sipas anketës vihet në dukje se 80 përqind e pjesëmarrësve kanë treguar një qasje që njerëzve që largohen nga vendet e tyre për shkak të luftës të iu jepet e drejta për azil në Gjermani.

Gjithashtu në anketë theksohet se 55 përqind të pjesëmarrësve në anketim shprehen se refugjatët duhet të kthehen në vendet e tyre pasi situatat të normalizohen.