"Shumë njerëz në Gaza kanë humbur gjithçka"

Drejtoresha e Përgjithshme e Organizatës Ndërkombëtare të OKB-së për Migracionin (IOM), Amy Pope tha se shumë nga njerëzit në Gaza të cilën Izraeli e ka sulmuar që nga 7 tetori 2023, kanë humbur gjithçka, transmeton Anadolu.

Në platformën e medias sociale X, Pope bëri një postim lidhur me atë që ata kanë dëshmuar pas vizitës në Gaza.

"Shumë nga njerëzit në Gaza kanë humbur gjithçka, por janë kapur pas shpresës. Ata kanë nevojë për strehim, siguri, dinjitet dhe kontroll për çështjen e të ardhmes së tyre", deklaroi Pope duke shtuar se njerëzit në Gaza nuk kanë zgjidhje tjetër përveç se vazhdimit të armëpushimit dhe gjetjes së një vendi të sigurt.

Në sulmet e Izraelit në Rripin e Gazës që nga 7 tetori 2023, janë vrarë 48.271 palestinezë, përfshirë 17.881 fëmijë dhe 12.316 gra ndërsa janë plagosur 111.693 persona.