Siri, vriten dy civilë në sulmet e Rusisë

Në sulmin ajror të kryer nga avionët luftarakë rusë në fshatin Keferderyen brenda kufijve të "Zonës së Deeskalimit të Idlibit" të Sirisë humbën jetën 2 civilë, transmeton Anadolu Agency (AA).

Sipas observatorit të avionëve të opozitës, avionët luftarakë rusë u ngritën nga baza Hmeymim në Latakia.

Sipas informacioneve të marra nga burime të Mbrojtjes Civile në Idlib, 2 civilë u vranë në një sulm ajror në një fermë pulash në fshatin Keferderyen në veri të qytetit.

Gjatë ditës, avionët luftarakë rusë kryen 6 sulme ajrore në Idlib Bara dhe rajonin e Fushës Ruj.

- Situata në Idlib

Në takimin e Astanës në vitin 2017, Turqia, Rusia dhe Irani vendosën të krijojnë 4 “zona deeskalimi” në zonën që nuk është nën kontrollin e regjimit të Asadit.

Regjimi, terroristët e mbështetur nga Irani dhe Rusia vazhduan sulmet e tyre, duke pushtuar 3 nga 4 rajonet dhe duke u nisur drejt Idlibit. Megjithëse Turqia arriti një marrëveshje shtesë për të forcuar armëpushimin me Rusinë në shtator 2018, sulmet u intensifikuan përsëri në maj 2019. Pas marrëveshjes së re mes Turqisë dhe Rusisë më 5 mars 2020, armëpushimi është ruajtur në masë të madhe.

Përafërsisht 2 milionë civilë që ikën nga sulmet gjatë periudhës 2017-2020 u detyruan të migronin në rajonet afër kufirit turk.