Stuhi të fuqishme, duke përfshirë tornado, breshër dhe erëra të forta, që mbrëmë kanë prekur SHBA-në qendrore dhe lindore, me tre viktima të raportuara në Teksas, transmeton Anadolu.

Dje, erërat e forta mbi 128 kilometra në orë goditën rrafshnaltën e jugut, sipas CNN, duke shkaktuar aksidente vdekjeprurëse me makina në Teksas që rezultuan në të paktën tre viktima për shkak të stuhive të pluhurit.

Erërat goditën gjithashtu kamionë, pemë dhe linja elektrike, duke çuar në ndërprerje të mëdha të energjisë elektrike.

Në Oklahoma, më shumë se 130 zjarre janë ndezur, duke shkaktuar evakuime të përkohshme në disa zona, por nuk është raportuar për viktima.

Guvernatorët e Alabamas, Kansasit dhe Misurit kanë shpallur emergjenca në përgjigje të kërcënimit të motit të keq dhe zjarreve.

Stuhia pritet të forcohet dhe të lëvizë drejt juglindjes, duke shtuar kërcënimin e tornadove vdekjeprurëse dhe stuhive intensive në mbrëmje.

Sipas Shërbimit Kombëtar të Motit, ekziston një rrezik i lartë i stuhive të fuqishme gjatë ditës së sotme mbi pjesë të Luginave të Misisipit të Poshtëm dhe në juglindje dhe një rrezik i lehtë i stuhive të fuqishme mbi Atlantikun e mesëm në juglindje gjatë ditës së nesërme.