Të paktën 40 të vdekur nga përmbytjet në Afganistan
347 të tjerë të lënduar për shkak të fatkeqësisë natyrore në provincën lindore Nangarhar, tha një zyrtar afgan
![Të paktën 40 të vdekur nga përmbytjet në Afganistan](https://cdnuploads.aa.com.tr/uploads/Contents/2024/07/16/thumbs_b_c_8336d83d591b8d3c8e5e012753f9e5b6.jpg?v=170557)
Istanbul
Të paktën 40 persona kanë humbur jetën dhe 347 të tjerë janë lënduar nga përmbytjet në Afganistan, tha sot një zyrtar i vendit, transmeton Anadolu.
Të gjitha viktimat janë raportuar në provincën lindore Nangarhar, tha Sharaf Zaman, zëdhënës i Ministrisë së përkohshme të Shëndetit Publik, duke shtuar se shifra mund të rritet.
Rajoni është përballur me stuhi të forta, breshër dhe reshje të dendura shiu ditët e fundit.
Shërbime shëndetësore po u ofrohen personave të prekur dhe administrata e përkohshme po koordinohet me organizatat ndërkombëtare për të parandaluar përhapjen e sëmundjeve, tha zyrtari afgan.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.