Tanzani, për diplomat false suspendohen 10 mijë punonjës

DARUSSELAM (AA) - Presidenti i Tanzanisë John Magufuli ka larguar nga puna afro 10.000 të punësuar në institucionet publike të këtij vendi, për shkak të diplomave të falsifikuara, raporton Anadolu Agency (AA).

Në lidhje me hetimet e kryera në kuadër të institucioneve publike në Tanzani, presidenti Magufuli foli në televizionin kombëtar.

"Për shkak të përdorimit të diplomave të falsifikuara apo të huaja nga detyra janë largur 9.932 persona. Të gjithë do të nxirren para drejtësisë", deklaroi presidenti i Tanzanisë John Magufuli.

Ai theksoi gjithashtu se këtyre personave do t'u pezullohet edhe pagesa e pagave të tyre.

Supozohet se në Tanzani, rreth 20 mijë njerëz marrin rroga pa bërë ndonjë punë apo aktivitet, për çka çdo vit arka shtetërore dëmtohet prej rreth 10 milionë dollarë.